Siriah baliak ka gagangnyo, kumbali Pinang ka tampuaknyo . Adaik Salingka Nagari

Lupo manganaan takalok manjagoan.

*Adaik Salingka Nagari* 

.Adaik aratinyo kabiasaan  Hiduik nan elok disuatu Nagari nan indak batantangan jo Agamo,nan sipaiknyo turun tamurun dari suatu generasi ke generasi.

Sadangkan salingkari Nagari maknanyo hanyo balaku disuatu nagari dan menjadi spesifik atau keistimewaan nagari nantu, dan indak ado dibiasoan nantun di nagari lain. Wallaahu A'lam bishshawab , Pambahasan saat iko adalah.Suruik Siriah Kagagangmyo,Kumbali Pinang kaTampuaknyo.Bagi kito kito nan dilaiaan dan digadangan di Nagari Gunuang atau tingga di kampuang,lai masih banyak nan mangarati jo falsafah adaik kito,namun bagi Generasi kini  banyak ndak mangati jo falsah adai kito nan mode iko lai. Jan .. maaratian kalimaik ko mambaco sajo alah payah,sabab bahaso adaik, papatah jo patitiah alah mulai di tinggakan dek generasi kito nan kini..Siriah baliak kagagangmyo,pinang pulang ka tampuaknyo,inyo akan pulang katampeknyo dima inyo diambiak.Baa mangko sampai inyo sampai suruik kagagangmyo dan kumbali ka tampuaknyo,dikaranokan kaadaan atau kebiasaan takah itu nan balaku di Nagarinyo,itulah nan Adaik Salingka Nagari. Mako paralu kito tanaman kumbali nilai-nilai adat dan budaya nan balaku di nagari kito kapado nan mudo-mudo.

Selah satu kearifan lokal atau adaik salingka nagari nan ado di nagari Gunuang iyolah peristiwa kamatian Istri atau bini,Apobilo maningga istri dari kamanakan kito,apokoh istrinyo urang Nagari Gunuang atau dilua Nagari Gunuang balaku hal nan samo.Apobilo istri alah maningga,itu namonyo tali alah putuih,bilo punyo anak ditangah rumah istiri itu namo kalua  masih tingga.Kasimpulannyo bilo istri alah maningga bararti tali alah putuih,tingga kaluan,sia nan dikatoan kaluan itulah anak,tanggungan ,atau hubungan kito jo anak indak kaputuih sampai kapan pun,tangguang jawaok ayah dari dunia sampai akhiaraik 

Bilo lah hampie cukuik saratuih hari mako kito sabagai mamak punyo kawajiban terhadap kamanakan lupo manganaan takalok manjagoan bahaso bilo bilangan hari maningga alah mancukupi saratuih hari,inyo kadijapuik dek pihak mamak karumah almarhumah istrinyo,manyuruik siriah kagagangnyo pinang katampuaknyo,aratinyo dijapuik sacaro adaik basuluah mato hari bagalanggang mato rang banyak.Pihak mamak pun manyampaian rencana tu kapihak almarhumah bahaso kamalakukan manuruik sapanjak adaik.

Bilo lah tibo hari nan babilang, dipadang nan batakuak.pihak urang nan manyapuik datang jo adaiknyo nan balaku di Nagari Gunuang.kadatangan tantu jo urang nan pandai,nan mananti pun urang karano adolah acara baradaik.Satalah malalui dialog nan panjang,saling bakandak timba baliak,nan pihak almarhumah maharapkan agar ayah dari kamanakannyo hanyo dijapuik sacaro adaik,karano kamanakannyo maharok an agar inyo tataok kamarawat ayahnyo sampai akhir hayat ayahnyo.Baradasarkan parmintaan pihak anak,mako pihak ayah biasonyo mangabulkannyo.Nan jaleh nampak diurang Nagari bahaso si sutan pamenan alah dijapuik dek dunsanaknyo sacaro adaik.istilahnyo japuik indak tabao,baunjuak indak babarian,karano sianak ingin mangabdi ka ayahno.

Pesan Moral.Manganai hal takah iko wajib dikatahui bagi urang Nagari Gunuang. Parmasalahan.Andai kito urang sumando kito bukan urang tigo luhak,apo sulusinyo,pulang kapado Angku Pangulu Niniak Mamak.Apo bilo istri kito alah indak ado lai(maningga)harus diingek,fungsi kito ditangah rumah anak manjadi barubah,kito bukan lai disabuik urang pangka atau mananti urang datang manjanguak(ta'ziah),duduak kito ndak samo lai jo urang sumando ,kito duduak dibarih mamak rumah,sabaok kito bukan urang sumando tapi lah dirubah dek kaadaan., namun Status sebagai ayah akan tetap malakek sampai kapan pun  Baitu adaik nan lazim. adaik salingka Nagari,salingka Nagari Gunuang.

Damikianlah tulisan ko,samoga ado manfaatnyo utk kito basamo,tarutamo bagi ganerasi modo.Sebagai panulih ambo mohon maaf andai kato kok ado takurang atau talabiah,kok kurang mintak ditukuak kok panjang mintak dikarek,supayo nak basuo UKUE jo JANGKO nyo

Penulis : Suhardi.N Pakiah Daripado.